Пра гісторыю мазаік Васнецова і пра зруйнаваны сабор распавядуць у Каложы

Каля месяца таму назад Фрагмент мозаики хранится в КоложеФрагмент мозаики хранится в Коложе у Свята-Барыса-Глебскі прыход быў перададзены фрагмент мазаікі Віктара Васнецова, які захаваўся пасля зносу Аляксандра-Неўскага сабора ў Варшаве ў 1926 годзе. Зараз мазаіка знаходзіцца ў нішы паўночнай сцяны Каложскай царквы. На фрагменце выяўлены прападобныя Сергій Раданежскі, Серафім Сароўскі і Нестар Летапісец. Аўтар мазаікі Віктар Міха́йлавіч Васнецо́ў - рускі мастак-жывапісец і архітэктар, майстар гістарычнага і фальклорнага жывапісу - нарадзіўся ў сям'і праваслаўнага святара, скончыў духоўную семінарыю. Ягоныя карціны «Вітязь на раздарожжы», «Алёнушка», «Волаты» вядомыя практычна кожнаму. Значную частку свайго жыцця мастак прысвяціў рэлігійнаму мастацтву - ягоныя фрэскі і мазаікі ашаламляльнай мастацкай магутнасці і духоўнай глыбіні. Ягонымі працамі аздобленыя Уладзімірскі сабор у Кіеве, храм Уваскрасення ў Санкт-Пецярбугу, храм Нараджэння Іаана Прадцечы ў Маскве.

У Варшаўскім саборы святога Аляксандра Неўскага, які быў закладзены ў 1894 годзе, мазаікі Віктара Васнецова сталі сапраўдным цудам. Асаблівасцю інтэр'ера сабора былі вялізныя мазаічныя кампазіцыі, якія не маюць аналагаў у сучансым мастацтве. 20 мая 1912 года сабор быў урачыста асвечаны ў гонар дабравернага вялікага князя Аляксандра Неўскага. У хуткім часе пасля аднаўлення ў 1918 годзе незалежнасці Польскай Рэспублікі кіраўніцтвам Польшчы было прынята рашэнне аб зносе гэтага сабора. З 1924 па 1926 гады адбываліся работы па разбурэнні гэтага велічнага збудавання.

Некалькі фрагментаў работ Васнецова з Аляксандра-Неўскага сабора ў Варшаве захаваліся і зараз захоўваюцца ў праваслаўнай царкве Марыі Магдаліны ў Варшаве і ў горадзе Баранавічы ў храме Пакрова Прасвятой Багародзіцы. Менавіта з баранавічскага храма 7 лютага 2017 года ў Каложскі прыход прыязджае протадыякан Андрэй Гарбуноў з семінарам на тэму "Васнецоўскія мазаікі Свята-Александра-Неўскага сабора горада Варшавы".
Сустрэча пачнецца а 18:30 у памяшканні царкоўна-прыходскага комплекса па адрасе вул.Каложа, 10.


Дадаць каментарый


Ахоўны код
Абнавіць

Расклад богаслужэнняў

Мінулы месяц Сакавік 2017 Наступны месяц
Пн Ат Ср Чц Пт Сб Нд
тыдзень 9 1 2 3 4 5
тыдзень 10 6 7 8 9 10 11 12
тыдзень 11 13 14 15 16 17 18 19
тыдзень 12 20 21 22 23 24 25 26
тыдзень 13 27 28 29 30 31
Увайсці

Аўтарызацыя

Імя карыстальніка *
Пароль *
Запомніць мяне

Каложа 360°

Навіны Гродзенскай епархіі

 

Уваход

Д/ф "Каложа" (2007 г.)