Са святам Каложскай іконы Прасвятой Багародзіцы!

Сёння заззяла Найбеззаганнейшай Дзевы свята
ў гонар цудатворнай Каложскай іконы,
што ў межах слаўнага места Гарадзенскага была яўлена
і здаўна цуды і міласці незлічоныя тут вытачае ўсім,
хто прыходзіць пад Яе ўладарнае покрыва.

1 мая - святкаванне ў гонар Каложскай іконы Божае Маці

1 мая па дабраславенні архіепіскапа Гродзенскага і Ваўкавысскага Арцемія мы ўшаноўвем Багародзіцу ў гонар Яе Каложскага абраза. Яшчэ 2 гады назад, у 2018 годзе, мы святкавалі гэты дзень 27 мая (у 1-ю нядзелю пасля 24 мая). Па міласці Божай летась наш храм пасля доўгачаканага рамонту аднавіў свой выгляд, убраўся ў новыя рызы, і Прасвятая Багародзіца, як цудоўнай панагіяй, пажадала ўпрыгожыць царкву спісам Сваёй Каложскай іконы. 1 мая 2019 года ў Свята-Барыса-Глебскі храм быў прынесены аднойдзенны ў Германіі гістарычны спіс Каложкага абраза Божае Маці. І сёння мы з радасцю і надзеяй усклікаем: "Прасвятая Багародзіца, спасі нас!".

Давайце ўзгадаем, як адбылося прынясенне Каложскай іконы у 2019 годзе.

У Гродна ў абноўлены храм унеслі гістарычны спіс цудатворнай Каложскай іконы Божае Маці

У Гродна праз стагоддзе вярнуўся гістарычны спіс унікальнай іконы Прасвятой Багародзіцы. Сёння яго ўрачыста ўнеслі ў Каложскую царкву, перадае карэспандэнт БЕЛТА.

Для іконы створаны ківот з дубу: яна будзе ў храме стала.

"Здабыццё адбылося ў час сканчэння асноўнага этапу рамонту храма. Мы ўсе ўспрымаем гэта як вяртанне святыні ў абноўлены храм. Гэта знак таго, што рамонт быў зроблены своечасова і слушна", - адзначыў настаяцель Каложскай царквы протаіерэй Аляксандр Балоннікаў.

У Гродна вярнулася гістарычная копія страчанай Каложскай іконы. Яе прывезлі з Германіі

Доўгі час лічылася, што копій знакавай для Каложы іконы, напісаных да знікнення цудатворнага абраза, не захавалася. Але ў канцы 2018 года на антыкварным аўкцыёне ў Германіі з’явілася аб’ява аб продажы, як запэўніваў ўладальнік, лота – унікальнай Каложскай іконы Божай Маці, піша grodnonews.by.

Рэпартаж аб здабыцці гістарычнага спісу Каложскай іконы Божае Маці

Прадстаўнікам СМІ: 12 сакавіка адбудзецца брыфінг аб здабыцці гістарычнага спісу (дакладнай копіі) Каложскай іконы Божае Маці

Увазе прадстаўнікоў СМІ

Брыфінг аб здабыцці гістарычнага спісу (дакладнай копіі) Каложскай іконы Божае Маці адбудзецца ў аўторак 12 сакавіка 2019 г. аб 11:00 у Свята-Барыса-Глебскім Каложскім храме.

У Каложу дастаўлены абраз святой праведнай Анны

Сустрэча абраза святой праведнай АнныСустрэча абраза святой праведнай Анны25 ліпеня 2015 года ў Каложскі Свята-Барыса-Глебскі храм са Святой Гары Афон прыбыў спіс цудатворнага абраза святой праведнай Анны, маці Прасвятой Багародзіцы. На сустрэчу вобразу святой выйшлі святары і прыхаджане. Абраз урачыста пранеслі ў царкву і ўсклалі на цэнтральным аналоі.

Настаяцель протаіярэй Аляксандр Балоннікаў павіншаваў прыход са святам - са з'яўленнем ў Каложскай царкве яшчэ адной святыні. Ён адзначыў, что сённяшні дзень і гэтыя падзеі - усё гэта робіцца Госпадам, але праз высілкі, руплівасць і старанне людзей. Настаяцель прывітаў і падзякаваў гасцям, чыімі намаганнямі абраз быў дастаўлены ў Каложскі храм. Пасля віншавальнай прамовы пачалося нядзельнае вячэрняе богаслужэнне, пасля якога быў адслужаны малебен праведнай Анне.

Расклад богаслужэнняў

Падаць запіску

Дапамагчы храму

Увайсці

Аўтарызацыя

Імя карыстальніка *
Пароль *
Запомніць мяне

Каложа 360°

Навіны Гродзенскай епархіі

Уваход

Пахвала Каложская

Д/ф "Каложа" (2007 г.)