"Cтварэнне іконы не проста творчая праца, гэта хрысціянскі подзвіг"

Піша Ірына Новік у “Твой стыль”.

Вышываныя іконы ручной працы гарадзенскай майстрыхі Галіны Курносавой можна пабачыць у царкве Каложскай іконы Божае Маці. Пра жыццёвыя сцежкі, якія прывялі яе да Бога, пра спакусы у творчым пошуку іканапісца, пра сям’ю і падтрымку добрых людзей “Твайму Стылю” распавялі аўтарка выставы і яе муж, а таксама протаіерэй Георгій Рой.

Падрабязней...

Выпуск перадачы "Каложская крыніца" (18 мая 2015 года)

ХРЫСТОС УВАСКРЭС!

Віншую вас, дарагія браты і сёстры, з вялікім і радасным святам - сусветнай радасцю Светлага Хрыстова Уваскрасення! Царква ў сваіх песнапеннях называе гэту падзею - паўстанне з мёртвых Сына Божага і Госпада нашага Іісуса Хрыста - Святам са святаў і Урачыстасцю з урачыстасцяў, якiя сцвярджаюць у нашым жыцці ідэалы дабрыні і святасці, нараджаюць у душы самыя светлыя і высакародныя пачуцці. Пасха - гэта не проста свята. Гэта - сутнасць хрысціянства. Якою свабодай і якою бясстрашнасцю надзяліў Збавіцель хрысціянаў! Якую магутнасць усяляе Ён у душы Сваіх паслядоўнікаў! Мы не сіроты ў гэтым свеце. З намі - Айцец Нябесны! Няхай прыгнятаюць нас штодзённыя клопаты і турботы, няхай пануюць на зямлі хваробы, гора і нястачы, няхай лютуе «князь свету гэтага» - з намі Гасподзь Усемагутны! Няхай пагражаюць нам тысячы смерцяў - з намі Бог, Які ўваскрашае з мёртвых!

Падрабязней...

Что важнее: Страстная или Светлая седмица?

Страстная и светлая седмицы - две, пожалуй, самые известные недели православного богослужебного годичного круга, которые следуют одна за другой, разделенные празднованием Святого Христова Воскресения. Две этих седмицы практически противоположны по своему содержанию и настроению. Об этом контрасте, а также о том, какая из этих седмиц важнее, мы поговорили с клириком Свято-Борисо-Глебского (Коложского) храма протоиереем Георгием Роем.

- О. Георгий, Церковь вводит человека в пространство Великого Поста постепенно – через специальные подготовительные недели. А вот окончание поста немного странное: Страстная седмица, очень скорбная по своему характеру, и за ней сразу же, без всяких подготовительных недель - Пасха, Светлая Седмица и т.д. Как объяснить такую постепенность в начале поста и такой контраст настроений в его конце?

Падрабязней...

Пропаведзь перад Плашчаніцай

 У імя Айца і Сына і Святога Духа!

 У  Вялікую  Пятніцу  Царква  ўспамінае  святыя,  з бавіцельныя  і страшныя пакуты і смерць Госпада Іісуса Хрыста. Святая Царква выносіць для нашага пакланення Святую Плашчаніцу. Перад намі ў магіле чалавечай плоццю ляжыць шматпакутны Сын Дзевы. Падыходзячы да Святой Плашчаніцы,  кожны  з  нас  павінен  усвядоміць  сваю  долю  адказнасці  за  ўсё  тое, што здарылася.

 Але ж мы тады не жылі?

 А калі б цяпер на нашай зямлі з’явіўся Гасподзь – няўжо хто-небудзь з нас можа падумаць, што ён быў бы лепшы за тых, якія тады Яго не пазналі, не палюбілі Яго, адмовіліся ад Яго і, каб пазбавіць сябе ад асуджэння сумленнем, загубілі крыжовай смерцю?

Падрабязней...

Выпуск перадачы "Каложская крыніца" ад 6 красавіка 2015 года

Пропаведзь у Вялiкi Чацвер. ТАЙНАЯ ВЯЧЭРА

У імя Айца і Сына і Святога Духа!

Мы сабраліся на Тайную Вячэру Хрыста, каб разам з апосталамі прычасціцца прачыстага Цела і пачэснай Крыві Збавіцеля, каб стаць далучанымі да Госпада, каб Цела Бога, Які ўчалавечыўся, стала нашым целам, і Кроў Яго стала нашай крывёю.

“Той, хто спажывае Цела Маё і п’е Кроў Маю, ува Мне знаходзіцца, і Я ў ім”. У гэтых словах Гасподзь кажа нам пра дзве рэчы: пра Яго знаходжанне ў нас і пра наша быццё ў Ім. Гасподзь жыве ў нас, таму што Ён стаў чалавекам, прыняў чалавечую плоць. Падчас Свайго ўчалавечання Ён прыняў плоць не абстрактнага чалавецтва, але кожнага канкрэтнага чалавека: Ён прыняў плоць кожнага з нас.

Падрабязней...

Дабравешчанне Прасвятой Багародзіцы. Памяць патрыярха Ціхана. Ларыса Геніюш

У імя Айца і Сына і Святога Духа!

“Радуйся, Благадатная! Гасподзь з Табою” (Лк.1:28),

Абраз Дабравешчання Божай МаціАбраз Дабравешчання Божай Маці- гэта словы Пасланца нябёсаў, звернутыя да Маці Божай, у якіх – сутнасць нашага свята. З гэтых словаў пачынаецца наша выратаванне – збаўленне роду чалавечага. Гэтыя словы абвяшчаюць свету таямніцу Богаўцялеснення, прыносяць вестку з нябёсаў аб вялікай любові Бога да чалавека. Сын Божы становіцца Сынам Дзевы. На якую ж вышыню ўздымаецца наша чалавечая прырода! Вось як пра гэта кажа свяціцель Іаан Златавуст:

“Бог – на зямлі, чалавек – на небе. Усё аб’ядналася: ангелы складаюць адзінае цэлае з людзьмі, людзі далучаюцца да ангелаў і іншых нябесных сілаў.”

Падрабязней...

Расклад богаслужэнняў

Увайсці

Аўтарызацыя

Імя карыстальніка *
Пароль *
Запомніць мяне

Падпіска на вершы Л.Геніюш

Каложа 360°

Навіны Гродзенскай епархіі

Уваход

Д/ф "Каложа" (2007 г.)