Памылка
  • JUser: :_load: Не атрымалася загрузіць карыстальніка з ID: 460

Інтэрв'ю в.а. настаяцеля Каложскай царквы протаіярэя Георгія Роя Гродзенскім епархіальным ведамасцям

Інтэрв'ю протаіярэя Георгія РояІнтэрв'ю протаіярэя Георгія РояЧытайце ў інтэрв’ю протаіерэя Георгія Роя:

  • Якія прычыны з’яўлення а.Георгія ў Гродна і дзе ён служыў дагэтуль? Чаму святыя Барыс і Глеб не пакідаюць а.Георгія?
  • Як святар ставіцца да камуністаў і ці адбудуцца на Каложскім прыходзе кардынальныя змены?
  • Разважанні а.Георгія пра Каложскае брацтва, хрысціянскую сям’ю і прыхадскую грамаду.
  • Пра планы ў Інтэрнэце і кароткі агляд гродзенскіх інтэрнэт-рэсурсаў.
  • Погляд а.Георгія на пытанне богаслужэбнай мовы ў Праваслаўнай царкве.
  • Што збіраецца рабіць новы настаяцель Каложы з яе рэстаўрацыяй?

Падрабязней...

10 красавіка. Упершыню ў алтары. Каложскія біблейскія чытанні. Анекдоты ад бацюшак.

Вітаю вас, чытачы дыярыуша.

Айцец Георгій у гэты час едзе да сям’і ў Жыровіцы. Таму ён даручыў мне, прыхаджаніну Каложы Мікалаю, напісаць пра сённяшні дзень.

Сёння я з вялікім задавальненнем нарэшце пасля вялікага перапынку ў некалькі тыдняў зноў наведаў наш прыход і актыўна, як на мой погляд, паўдзельнічаў у ягоным жыцці. Дзякую за гэта Богу і айцу Георгію.

Такім чынам, сёння раніцою я наведаў царкву, каб прыняць удзел у Літургіі Ранейасвячоных Дароў. Не паспеўшы падысці да абразоў, я быў запрошаны айцом Георгіем маліцца ў алтар. Гэта было нечакана. Для мяне алтар быў заўсёды такім сакраментальным месцам, што страшна было падумаць, што туды можна проста так трапіць. Маліцца каля Прастолу, дзе адбываецца Пралажэнне Святых Дароў было незвычайна і крыху страшна. Я пастараўся “скарыстацца сітуацыяй”, каб малітвенна падзякаваць Богу за нядаўняе вылячэнне маёй сужэніцы (дзякую а.Уладзіміру, а.Георгію, а.Ігару і ўсім, якія спачувалі, за Вашыя малітвы). Назіраць за дзеяннямі свяшчэннаслужыцелей у алтары было цікава. Я здзівіўся карычневаму колеру ніжняй часткі Агнца, які выкарыстоўваецца для Прычашчэння (увечары я дазнаўся, што падчас загатаўлення Святых Дароў для Літургіі Ранейасвячоных Дароў Агнец апускаецца ў Кроў Хрыстову, таму і мае такую афарбоўку). Здзівіла таксама чытанне малітваў а.Георгія на грэчаскай мове (я, грэшым чынам, падумаў спачатку, што гэта латынь).

Падрабязней...

8-9 красавіка. Багаслоў і літаратар. Метафізічныя размовы. Сірата. Цяжкія ўражанні. Слёзы бабулі. Каложа і Польшча. Каложскія ўрокі нямецкай мовы

Вітаю, браты і сёстры!

Праляцелі два першыя дні тыдня. Панядзелак прайшоў неяк спакойна. Справы, размовы, тэлефон. Крышку займаўся старажытна-грэчаскай мовай. Папілі кавы з Аляксандрам Бабуком . Багаслоў-святар і літаратуравед-філолаг. Зразумела, такая сустрэча не магла абысціся без разважанняў аб літаратуры і багаслоўі. Потым была цікавая сустрэча з настаяцелем царквы ў Каробчыцах айцом Сергіем і ягонаю матушкай Аняй. Пра што звычайна размаўляюць паміж сабою святары? Звычайна гэта абмеркаванне сітуацый на прыходах, нейкіх выпадкаў з пастырскай практыкі. Такі своеасаблівы абмен вопытам. Але айцец Сергій чалавек філасофскага складу. Таму і размова набыла характар хучэй багаслоўска-метафізічны, чым практычны. І гэта цікава.

Падрабязней...

Блакіт нябёсаў і пачатак Евангелля. Беларуская малітва. Здраднік Іуда. Запрашаем на біблейскія чытанні. Дзяўчыны з чэшскага Брно

Са святам Дабравещання, дарагія браты і сёстры!

Люблю гэты дзень. Галоўная асацыацыя - блакіт нябёсаў. Пачуцці – ціхая радасць, шчырая пашана да Дзевы Марыі, удзячнасць, жывое адчуванне святога. Хаця  сёння мы шануем таксама Пачэсны Крыж Хрыстоў, але асабіста мяне неяк болей кранула падзея Дабравешчання. Падумаць толькі,  змірэнныя  словы Дзевы Марыі перавярнулі ўсю гісторыю чалавецтва! “Хай жа будзе мне па слову твайму” – і Творца універсуму, стаў адным з нас. Колькі ганарлівых словаў вымаўлялі цары, імператары і палкаводцы?! Але ніводнае з тых словаў ня мела той сілы, якую мелі словы Дзевы Марыі. Яна была Той адзінай, якая магла так адказаць Богу; Той адзінай, якая была дастойнаю стаць Маці для Збавіцеля чалавецтва; Той адзінаю, што магла ўмясціць у сябе  Прадвечнае Слова. Яна стала тымі дзвярыма, праз якія ў наш свет прыйшоў Збаўца. Таму мы і шануем Прасвятую Дзеву Марыю, выказваем Ёй нашу самую сардэчную падзяку, нашу любоў да Яе. “Радуйся, абрадаванная! Гасподзь з Табою!”.

Падрабязней...

2-3 красавіка. Дзе сёння пакутуе Хрыстос? Чалавек Андрэй. Хрысціце мяне! Павячэр'е і бутэрброды з авакада. Мае дарогі і вясновы снег.

Сардэчна вітаю вас, дарагія браты і сёстры!

Ад мноства вялікіх і малых справаў і ад некае стомленасці не было сіл у апошнія дні пісаць у наш прыхадскі дзённік. Але сёння сітуацыя іншая. Я прыехаў да сваёй сям’і у Жыровічы (пакуль у Гродна пераехаў толькі я). Адпачыў, прывёў думкі/пачуцці ў парадак, і натхненне вярнулася да мяне… Тым больш, што распавесці ёсць аб чым. І параіцца таксама трэба. (Цікава, слова “параіцца” ці не ад майго прозвішча паходзіць :) ).

Аўторак. 2. 04.

Дзень пачаўся досыць рана. У 8 гадзін мы: я, а. Ігар, дыякан а. Уладзімір і наш братчык Вячаслаў былі ўжо ў доме-інтэрнаце ў Пышках. На папярэдняй сустрэчы дамовіліся, што ў гэты дзень прыедзем паспавядаць і прычасціць жадаючых. Такіх аказалася не мала – каля 40 чалавек. Гэта болей чым палова ўсіх жыхароў інтэрнату. А. Ігар спавядаў і прычашчаў хадзячых, а я з а. Уладзімірам і Славай пайшлі па пакоях да тых, хто ня можа падняцца. Многія людзі доўгія ўжо гады прыкаваны да сваіх ложкаў. Адзінокія і прыкаваныя… Але свабода душы ў многіх бадай большая, чым у тых здаровых, якія як мінімум раз у год бываюць на розных курортах… Тут з пакутуючымі пакутуе Сам Хрыстос. Тут прадаўжэнне Галгофы… Не пакідаюць думкі пра тое, што б мы як абшчына маглі б зрабіць для гэтых людзей, каб жыццё іх стала крыху святлейшым, каб зменшыць іх пакуты… Паразмаўляў з доктарам і дырэктарам інтэрнату. Самае першае: патрэбны памперсы і сродкі для мыцця. Ёсць некаторы недахоп гэтых рэчаў. Спадзяюся, што мы здолеем гэты недахоп папоўніць. Але гэтага мала. Вось думаю, што трэба падключаць маіх сяброў немцаў. У Германіі вялізарнейшы вопыт дапамогі такім людзям. Дырэктар казаў пра тое, што, на жаль, маладыя людзі, якія трапляюць у інтэрнат знаходзяцца ў сацыяльнай ізаляцыі і закрытыя ў чатырох сценах. Было б добра перыядычна запрашаць іх і прапанаваць нейкія паездкі. Пасля споведзей і прычасця ўсе мы адчувалі нейкі духоўны пад’ём. Усё ж такі дакрануліся да пакут Хрыстовых, якія доўжацца і ў наш час, а гэта ацаляе, дапамагае адолець гардыню і навучае змірэнню.

Падрабязней...

О Молитве Ефрема Сирина

Прп. Ефрем СиринПрп. Ефрем СиринВеликий пост – это время особенное. Увеличивается продолжительность и количество богослужений, храмовое убранство приобретает траурные тона, священнослужители облачаются в черное. Но самые большие перемены наступают в жизни самого человека, пост которого заключается не только в ограничении приема пищи (хотя и это немаловажно), но и в усилении молитвенного правила с коленными преклонениями. Все это человек делает во время поста, дабы обуздать свое сладострастие и через 49 дней с радостным сердцем встретить праздник Пасхи – светлого Христового Воскресенья. Одна из молитв, отражающих настроение и духовное содержание Великого поста, является известная молитва преподобного Ефрема Сирина.

Падрабязней...

Цяжкі красавіковы снег. Малітва пра абуджэнне і ацаленне. Запрашэнне на выставу. Зарыцкія сустрэчы

Сардэчныя прывітанні, браты і сёстры! Спадзяюся, справы вашыя і настрой у парадку. Надвор'е і сырасць навіваюць канешне смутак, але не патрэбна паддавацца такому няпостнаму настрою. Хрыстос вучыць нас, што ў пост патрэбна мець пазітыўны настрой. Апостал Павел заклікае “радавацца, бесперапынна маліцца і за ўсё дзякаваць”.  

Мой сённяшні дзень пачаўся з расчысткі снегу. І справа гэтая аказалася нялёгкай. Снег мокры і цяжкі. Гэта не той белы пух, які падае на зямлю ў студзені, напрыклад. Красавіковы снег цяжэйшы ва ўсіх сэнсах… Але малітва дапамагала ў такім змаганні са стыхіяй. Падчас такой работы падышоў мужчына з просьбаю паставіць свечку ў царкве. Аказалася, што дачка яго пасля звычайнай аперацыі ад наркозу ўпала ў кому. Бацька вельмі смуткуе. Пайшлі мы ў царкву разам, памаліліся, а потым ён застаўся адзін на адзін з Богам. Па ўсім відаць было, што малітва яго была сапраўды моцная. Я ж накіраваўся далей змагацца са снегам. Выйшаў той чалавек і папрасіў яшчэ адну лапату. Так вось разам памаліліся і папрацавалі… Памаліцеся і вы, браты і сёстры, за Юлію – гэта дачка таго чалавека. Папрасіце Нябеснага Айца абудзіць яе ад цяжкага сну.

Падрабязней...

Евангельскае чытанне. Вылячэнне спаралізаванага. Сын Чалавечы ёсць Бог, які можа дараваць грахі

Евангелле паводле Марка 2:1–12. – Зачала 7
[Вылячэнне спаралізаванага]

 

І, калі праз некаторы час прыйшоў Ён зноў у Капернау́м праз некалькі дзён, і чу́тна стала, што Ён у доме. І адразу сабра́лася многа народу, так што не ўмяшчаліся ўжо і пры дзвярах, і Ён казаў ім слова.  І прыйшлі да яго са спаралізава́ным, якога трымалі на руках чацвёра;  і, не ма́ючы як наблі́зіцца да Яго з-за натоўпу, яны разабралі дах над тым месцам, дзе Ён быў, і, зрабіўшы дзіру, апусці́лі ў яе пасцель, на якой ляжаў спаралізава́ны. І, убачыўшы веру іх, Іісус кажа спаралізава́наму:

Падрабязней...

Расклад богаслужэнняў

Увайсці

Аўтарызацыя

Імя карыстальніка *
Пароль *
Запомніць мяне

Падпіска на вершы Л.Геніюш

Каложа 360°

Навіны Гродзенскай епархіі

Уваход

Пахвала Каложская

Д/ф "Каложа" (2007 г.)