Набор у нядзельную школу на 2013-2014 навучальны год

Абвяшчаецца запіс вучняў у нядзельную школу на 2013-2014 навучальны год:

  • у падрыхтоўчую групу «Уводзіны ў Праваслаўную веру» для вучняў 2-3 класаў (заняткі кожную суботу а 10:00);
  • у малодшую групу для вывучэння Старога Запавету для вучняў 4 класаў (заняткі кожную суботу а 10:30);
  • у сярэднюю групу для вывучэння Новага Запавету для вучняў 5-6 класаў (заняткі кожную нядзелю аб 11:00).

З 3 жніўня 2013 года пачнецца катэхізічнае навучанне для падрыхтоўкі да першай споведзі дзяцей 7 гадоў і старэйшых. Заняткі па суботах і нядзелях аб 11:00.

Фарміраванне навучальных груп на 2013-2014 навучальны год па заявах бацькоў заканчваецца ў нядзелю 15 верасня 2013 года. У гэты дзень пасля Літургіі будзе адпраўлены малебен на пачатак навучальнага года, і ва ўсіх навучальных групах  адбудуцца першыя заняткі ў нядзельнай школе.

Настаяцель Свята-Барыса-Глебскай Каложскай царквы протаіерэй Аляксандр Балоннікаў.

Варшаўскі хор у гасцях у Каложскага прыходу

2 сакавіка ў дні ХІІ-га Міжнароднага фестывалю праваслаўных песнапенняў «Каложскі Благавест» у нашым горадзе на Свята-Барыса-Глебскі (Каложскі) прыход былі запрошаныя  госці – Архіерэйскі хор кафедральнага сабора святой роўнаапостальнай Марыі Магдаліны г. Варшава пад кіраўніцтвам рэгента протадыякана Сергія Баўтручука.

Ранішнік у нядзельнай школе

12 студзеня на прыходзе Свята-Барыса-Глебскай (Каложcкай) царквы г.Гродна прайшоў Ражджэственскі ранішнік, падрыхтаваны навучэнцамі Нядзельнай школы. Памаліўшыся на Бажэственнай літургіі ў храме ў гонар Каложскага абраза Божае Маці, дзеці павіншавалі свяшчэннаслужыцелей і прыхаджан са святам з’яўлення ў свет Богадзіця Хрыста Спасіцеля сваімі ражджэственскімі вершамі.

«Каложская крыніца» за 18 снежня 2012 года

У выпуску перадачы апавядаецца пра асвячэнне дамавога храма ў гонар Каложскага абраза Божае Маці пры нядаўна збудаваным непадалёк Каложы царкоўна прыхадскім комплексе. Тут жа пра цудатворны Каложскі абраз апавядае іерэй Ігар Данільчык. У перадачы таксама асвятляюцца пытанні святкавання Новага года падчас Філіпавага посту, споведзі дзяцей і іншыя.

Лісток «Стрэчанне» №42. Студзень'2013

Дарагія браты і сёстры!

Калі больш за 20 стагоддзяў таму назад, у Віфлееме нарадзіўся ад Прачыстай Дзевы Марыі Богадзіця Іісус, тады ўсе стварэнні Божыя сабраліся ў стрэчанне яму, каб ушанаваць Яго сваімі дарамі: зямля – прытулкам, неба – зоркай, бясслоўныя жывёлы – яслямі, пастыры – пакланеннем, а нябесныя воінствы – услаўленнем.

Мудрацы, вядзёныя зоркай, прыйшлі да Дзіцяці Хрыста, каб пакланіцца Яму і прынесці шматкаштоўныя дары: золата, ліван і смірну.

Асвячэнне храма ў гонар Каложскага абраза Божае Маці

2 снежня адбылося ўрачыстае асвячэнне храма ў гонар Каложскага абраза Божае Маці і царкоўна-прыхадскога корпуса пры Свята-Барыса-Глебскай (Каложскай) царкве г. Гродна. Святочнае богаслужэнне ўзначаліў Высокапраасвяшчэннейшы Арцемій, архіепіскап Гродзенскі і Ваўкавыскі ў суслужэнні гродзенскага духавенства.

Набор у нядзельную школу на 2012-2013 навучальны год

На 2012-2013 навучальны год абвяшчаецца набор вучняў у нядзельную школу:

  • У малодшую падрыхтоўчую групу з вучняў 2,3 класаў, заняткі ў якой будуць праходзіць па суботах а 10:30.
  • У сярэднюю групу па вывучэнню Старога Запавету з вучняў 4,5 класаў, заняткі ў якой будуць праходзіць па суботах а 10:30.
  • У старэйшую групу па вывучэнню Новага Запавету з вучняў 6,7 класаў, заняткі ў якой будуць праходзіць па нядзелях аб 11:00.

Падрыхтоўка дзяцей да першай споведзі

Пры Свята-Барыса-Глебскай (Каложскай) царкве арганізуецца катехізічнае навучанне па падрыхтоўцы да першай споведзі дзяцей з 7 год і старэйшых.

Заняткі пачынаюцца 4 жніўня 2012 года і будуць праходзіць па суботах аб 11:00 і нядзелях аб 11:30 у будынку нядзельнай школы.

Расклад богаслужэнняў

Падаць запіску

Дапамагчы храму

Увайсці

Аўтарызацыя

Імя карыстальніка *
Пароль *
Запомніць мяне

Падпіска на вершы Л.Геніюш

Каложа 360°

Навіны Гродзенскай епархіі

Уваход

Пахвала Каложская

Д/ф "Каложа" (2007 г.)