Перад пачаткам навучальнага года ў Каложы маліліся аб добрым вучэнні

1 і 2 верасня у Каложскім прыходзе здзяйсняліся малебны на пачатак навучальнага года. Шмат сем'яў з дзецьмі наведалі царкву ў жаданні пачаць новы навучальны год з малітвы, папрасіць Божай дапамогі ў навучанні. Традыцыйна прыход падрыхтаваў для школьнікаў невялікія падарункі ў выглядзе школьных прыналежнасцяў. Падчас збору ахвяраванняў для сем'яў вучняў, якім патрабуецца дапамога, удзел у гэтай справе прынялі не толькі прыхаджане, але і шмат неабыякавых людзей. У выніку, дзеці і падлеткі, якія прысутнічалі на малебне, змаглі атрымаць патрымку не толькі духоўную. Хай дабрыня ахвярадаўцаў і радасць на тварах дзяцей ўсяляе ў нас жаданне рабіць дабро!

Запрашаем на Каложскія біблейскія чытанні!

Дарагія сябры! Пачаўся новы навучальны год і ў нашым прыходзе аднаўляюцца сустрэчы для сумеснага вывучэння Святога Пісання - Каложскія біблейскія чытанні.

 

Запрашаем усіх жадаючых на Каложскія біблейскія чытанні ў аўторак 18 верасня 2018 года а 18:30 у прыходскі комплекс (вул.Каложа,10). Перад чытаннямі адбудзецца малое павячэр'е.

Відэасюжэт "Панарамы"

6 жніўня - дзень памяці святых страстацерпцаў дабраверных князёў Барыса і Глеба

Прэм'ер-міністр наведаў Каложскую царкву

У першую нядзелю ліпеня найстарыжытнейшы храм Гродзенскай епархіі - Свята-Барыса-Глебскую царкву наведаў Прэм'ер-міністр Рэспублікі Беларусь Андрэй Уладзіміравіч Кабякоў з жонкай.

Высокага госця, які прыбыў у Каложу ў суправаджэнні старшыні Гродзенскага абласнога выканаўчага камітэта Уладзіміра Васільевіча Краўцова і старшыні Гродзенскага гарадскога выканаўчага камітэат Мечыслава Браніслававіча Гоя, сустракаў упраўляючы Гродзенскай епархіяй Рускай Праваслаўнай Царквы Высокапраасвяшчэннейшы архіепіскап Арцемій.

Падчас экскурсіі для членаў дэлегацыі адбылося знаёмства са шматвяковай гісторыяй храма і былі агледжаныя праведзеныя работы па рамонту драўляных канструкцый храма.

//orthos.org

Адбылося перапахаванне парэшткаў, знойдзенных каля Каложскай царквы

27 чэрвеня на цвінтары ля старажытнай Каложскай Свята-Барыса-Глебскай царквы адбылося пахаванне парэшткаў, якія былі знойдзены ля муроў храма падчас работ па добраўпарадкаванні тэрыторыі.

Усе адшуканыя парэшткі былі даследаваны антраполагам Нацыянальнай акадэміі навук Беларусі, а таксама прайшлі судмедэкспертызу. Па заключэнні навукоўцаў усе парэшткі належаць асобам мужчынскага полу, што адпавядае здагадцы аб тым, што вакол Каложскай царквы былі пахаваныя манахі мужчынскага манастыра, які тут існаваў.

Настаяцель прыхода протаіярэй Аляксандр Балоннікаў і протадыякан Уладзімір Юзва справілі праваслаўны чын пахавання, пасля якога парэшткі былі аддадзены зямлі.

17 чэрвеня 2018 года адбыўся штогадовы Хрэсны ход у гонар Сабору Ўсіх Беларускіх святых

Расклад богаслужэнняў

Падаць запіску

Дапамагчы храму

Увайсці

Аўтарызацыя

Імя карыстальніка *
Пароль *
Запомніць мяне

Падпіска на вершы Л.Геніюш

Каложа 360°

Навіны Гродзенскай епархіі

Уваход

Пахвала Каложская

Д/ф "Каложа" (2007 г.)